Линктер

ЧУКУЛ КАБАР!
9-июль, 2020 бейшемби, Бишкек убактысы 13:13

22-июндан тартып Стамбул-Бишкек аба каттамы ачылары кабарланды


Стамбул аэропорту.

Бул тууралуу Түркиянын транспорт министри Адил Караисмаилоглу маалымат таратты. Анда 10-июндан тартып Түркиядан 40 өлкөгө аба каттамдары ачылары жазылган. Ал эми Стамбулдан Кыргызстан, Албания, Дания, Норвегия жана башка өлкөлөргө рейстер 22-июнда ачылары маалымдалды.

27-мартта Түркия коронавирустун жайылышын чектөө максатында бардык эл аралык каттамдарын токтоткон. Ал эми 1-июндан баштап өлкөдө карантин чектөөлөрдүн айрымдары алынган.

Буга чейин коронавирус пандемиясынан улам аба каттамдары жабылгандыктан Түркиядан миңден ашык кыргызстандык 24-мартта, 17-апрелде, 24-апрелде жана 15-майда атайын уюштурулган чартердик каттам менен Бишкекке кайткан.

Түркияда расмий түрдө өзгөчө кырдаал киргизилген эмес, дем алыш күндөрү коменданттык саат жарыяланып жатат. (ElB)

Пикирлерди көрүңүз (1)

Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.
XS
SM
MD
LG