Линктер

ЧУКУЛ КАБАР!
14-Июнь, 2021 дүйшөмбү, Бишкек убактысы 02:10

АКШда Жорж Флойдду эскерүү өтүп жатат


Миннеаполис шаарынын мэри Жейкоб Фрей Флойдду эскерүү иш-чарасында. 4-июнь, 2020-жыл.

Бейшембиде Миннеаполис шаарында афроамерикалык Жорж Флойд эскерилди. Эскерүүнүн башында адам укуктары үчүн күрөшүп келген пастор Ал Шарптон болду. Иш-чарага катышкандардын ичинде дагы бир пастор, укук коргоочу Жесси Жексон, сенатор-демократ Эми Клобушар, Конгресстин мүчөлөрү, актерлор жана музыканттар болду.

Жорж Флойдду эскерүү ал өлгөн Миннесота штатында, Флойд туулган Түндүк Каролинада жана өмүрүнүн көп бөлүгүн өткөргөн Техастагы Хьюстон шаарында өтөт. Жорж Флойд 9-июнда Хьюстондо жерге берилет.

Жорж Флойдду эскерүү Нью-Йорк, Вашингтон баштаган көптөгөн шаарларда болду.

Шаршембидеги жана бейшембидеги нааразылык акциялары тынч өттү.

АКШнын башкы прокурору Уильям Барр жүздөн ашуун полиция кызматкери массалык башаламандык учурларында жаракат алганын кабарлады.

АКШда ынды кара Жорж Флойддун полиция кармагандан кийинки өлүмү жалпы өлкөдө расалык теңсиздикке каршы массалык нааразылык толкундарын жараткан. Айрым аймактарда ал башаламандыкка айланып, машинелер өрттөлүп, дүкөндөр тонолгон. Полиция Вашингтон баштаган 40 шаарда коменданттык саат киргизген.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG