Линктер

ЧУКУЛ КАБАР!
24-Июнь, 2021 бейшемби, Бишкек убактысы 03:27

Пандемияга байланыштуу мечиттердин иштөө эрежеси даярдалды


Бишкектеги башкы мечит.

Коронавируска каршы республикалык ыкчам штабдын жана Мусулмандар дин башкармалыгынын чечимине ылайык, 8-июндан тартып мечиттер жана намазканалар санитардык чараларды сактоо шарты менен иштей баштайт.

Саламаттык сактоо министрлиги мечитке келген адамдардан төмөнкү эрежелерди так аткарууну талап кылат:

- Беш убак намазга жана жумага келген адамдар беткап тагынышы керек;

- Мечиттин айланасына дезинфекциялоочу каражаттарды коюп, адамдардын дене табы текшерилип турушу керек;

- Мечитте адамдардын ортосунда 1,5 метрлик аралыкты сактоо зарыл;

- Адамдардын кол алышып, кучакташып көрүшүүсүнө тыюу салынат;

- Даарат алчу жайларда аралыкты жана санитардык талаптарды сактоо зарыл.

Ал эми министрлик буларды сунуш кылат:

- Балдар, карылар жана ооругандар, дене табы көтөрүлүп жаткан адамдар мечитке келбей турушу керек;

- Дааратты үйдөн алуу жана сүннөт намаздарды үйдөн окүп келүү сунушталат;

- Мечитке келген адамдар убакытты текке кетирбестен, 15-20 мүнөттүн ичинде чыгып кетүү сунушталат;

- Жамаат намаздарын ачык асман алдында, мечиттин короосунда өткөрүү сунуш кылынат;

- Ар бир адам мечитке келгенде жайнамазын ала келиши керек.

18-мартта Кыргызстанда коронавирустун алгачкы учурлары катталган. Өлкөнүн көпчүлүк аймактарында өзгөчө абал жарыяланып, бардык мекеме-ишканалар менен катар мечиттер да убактылуу жабылган. (TSh)

Пикирлерди көрүңүз (4)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG