Линктер

ЧУКУЛ КАБАР!
25-Февраль, 2021 бейшемби, Бишкек убактысы 12:03

Театр жана кино актеру Марат Жантелиев каза болду


Марат Жантелиев Саякбай манасчынын ролунда.

Кыргызстандын эмгек сиңирген артисти, белгилүү театр жана кино актеру Марат Жантелиев 59 жаш курагында мезгилсиз дүйнөдөн кайтты. Бул маалыматты “Азаттык” радиосуна кинорежиссер Эрнест Абдыжапаров тастыктады:

“Жаңы эле угузушту. Байкеси телефон чалды. Оор болуп, реанимацияда жаткан. Бөйрөк талмасы абдан катуу кармап, дарыгерлер алы жетпей калыптыр. Бишкектин “Учкун” кичи районунда турчу. Жакын деп Ново-Покровкадагы ооруканага алып бара калышкан экен”.

Марат Жантелиев 1961-жылы Нарын облусунда туулган. 1978-жылы Орусиянын Мамлекеттик кинематография институтуна (ВГИК) өтүп, бул окуу жайды 1982-жылы аяктаган.

Алгачкы чоң ролун Төлөмүш Океевдин “Ак илбирстин тукуму” тасмасында жараткан.

Актер Бишкектеги Бакен Кыдыкеева атындагы Кыргыз мамлекеттик жаштар театрында эмгектенчү.

2017-жылы “Саякбай” тасмасында айтылуу Саякбай манасчынын образын жараткан.

Мамлекеттик сыйлыкты тапшыруу учуру.
Мамлекеттик сыйлыкты тапшыруу учуру.

2018-жылы 30-августта Жантелиевге "Кыргыз Республикасынын эмгек сиңирген артисти" деген ардактуу наам ыйгарылган. (RK)

Пикирлерди көрүңүз (21)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG