Линктер

ЧУКУЛ КАБАР!
16-Июнь, 2021 шаршемби, Бишкек убактысы 19:34

Финпол: 50 миңдей норка жана ондатр терисин Кыргызстандан мыйзамсыз ташып бараткандар кармалды


50 миңдей норка жана ондатр терисин мыйзамсыз ташып бараткан автоунаалар.

Экономикалык кылмыштарга каршы күрөшүү кызматы 50 миңдей норка жана ондатр жандыктарынын териси кыргыз-казак чек арасынан мыйзамсыз өткөрүлүп баратканын аныктап, кармашты. Бул тууралуу аталган мекемеден кабарлашты.

Анда айтылгандай, «Ак-Тилек» өткөрмө бекетинде «Scania» үлгүсүндөгү автоунаа тиешелүү документтери жок жүк алып баратканы такталган.

Мындан сырткары Айлана-чөйрөнү коргоо жана токой чарбасы мамлекеттик агенттигинин маалыматына ылайык, кармалган жаныбарлардын териси Кыргызстанда бир жылда катталган ондатрлардын санынан көп экени ачыкка чыкты. Мыйзамсыз ташылып бараткан терилерден мамлекетке келген чыгым 500 миллион сомдун тегерегинде экени аныкталды. Бул факт Кылмыштардын жана жоруктардын бирдиктүү реестрине катталып, сотко чейинки өндүрүш иши башталды.

Расмий маалыматка караганда, Кыргызстанда 19 миңдей ондатр бар.

Өлкөдө бир ондатрды жок кылгандарга 3 миң сом айыппул салынат. Ал эми Кыргызстандагы норкалар тууралуу статистикалык маалыматтар жок. (ErN)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG