Линктер

ЧУКУЛ КАБАР!
20-Июнь, 2021 жекшемби, Бишкек убактысы 11:56

Финчалгын кызматы: террордук ишти каржылоого шектүү 16 миллион доллар камакка коюлду


АКШ доллары. Иллюстрациялык сүрөт.

Финансылык чалгындоо кызматы 2019-жылы террорчулук ишти каржылоо жана кылмыштуу кирешелерди адалдоого шектүү катары 16 миллион АКШ долларды камакка койду. Бул тууралуу аталган мекеменин жетекчиси Гуламжан Анарбаев бүгүн, 18-июнда парламенттин жыйынында депутат Бактыбек Турусбековдун суроосуна жооп берип жатып билдирди.

Анарбаев бул каражаттардын 80% боюнча фактылар соттук кароодон өтүп, тиешелүү адамдар жазасын алып жатканын айтты.

Финансылык чалгындоо кызматынын жетекчиси мындан сырткары былтыр мекеме тапкан эреже бузуулардын алкагында 6,5 млрд. сом мамлекетке кайтарылганын да кошумчалады. Ал бул санды 27-майда Жогорку Кеңештин жыйынында да тактаган болчу.

18-июнда Жогорку Кеңеш «Террорчулук ишти каржылоого жана кылмыштуу кирешелерди легалдаштырууга (адалдоого) каршы аракеттенүү жөнүндө» мыйзамды өзгөртүү тууралуу мыйзам долбоорун экинчи окууда карады. Ушул эле мыйзам долбоору 27-майда парламентте биринчи окуудан өткөн. (ErN)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG