Линктер

ЧУКУЛ КАБАР!
15-Июнь, 2021 шейшемби, Бишкек убактысы 12:26

Парламенттин басма сөз кызматынын башчысынан коронавирус аныкталды


Ибраим Нуракун уулу

Жогорку Кеңештин басма сөз кызматынын жетекчиси Ибраим Нуракун уулунан COVID-19 аныкталды. Бул тууралуу Ибраим Нуракун уулу "Фейсбуктагы" баракчасына жазды.

“Урматтуу кесиптештер, ушул дем алыш күнү температура болгонума байланыштуу үйдө отуруп иштеп жаткам. Эртең жумушка чыгар алдында текшерүүдөн өтсөм, бир аз мурда эле доктурлар анализимден COVID-19 аныкталганын кабарлашты. Буга байланыштуу дагы 14 күн үйдөн чыкпай иштемей болдум. Мени менен жакын контактта болгон Жогорку Кеңештин басма сөз кызматындагы башка кесиптештерим да аралыктан иштөөгө өтүүдө”, - деп жазды.

18-июнга карата коронавирус жуктургандардын жалпы саны 2650 адамга жетти.

Кечээ 73 жаштагы эркек вирустан каза тапты. Ушуну менен илдет жуктуруп алган 31 адам каза болду. Бир сутка ичинде ооруканадан 32 бейтап сакайып чыгып кетти. Анын ичинен: Бишкек шаарынан –11, Чүй облусунда – 12, Ош шаарында – 3, Ош облусунда – 4, Жалал-Абад облусунда - 1, Баткен облусунда - 1 бейтап айыгып, 18-июнда үйлөрүнө чыгарылды. Жалпы айыккандардын саны - 1933 адам.

Ушул тапта стационарда 693 бейтап бар. 38 адамдын абалы оор. Алты киши жандандыруу бөлүмүндө жатат. (TSh)

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG