Линктер

ЧУКУЛ КАБАР!
24-Июнь, 2021 бейшемби, Бишкек убактысы 03:25

Хорватиянын президенти Москвадагы парадга барбай турганын билдирди


Москвадагы парад алдындагы машыгуу. 20-июнь 2020-жыл

Хорватия президенти Зоран Миланович Жеңиштин 75 жылдыгына арналган Москвадагы аскердик парадга барбай калды. «РИА Новости» кабарлагандай, Хорватиянын элчилиги мамлекет башчынын учагы «бузулуп калганын» билдирди.

Буга чейин парадга баруудан Түркмөнстан, Азербайжан президенттери жана Армениянын премьер-министри баш тарткан. Алар муну коронавирус жана карантин менен түшүндүрүшкөн. Чехиянын президенти да орус башкалаасына барбайт. Ал Орусияда эпидемиологиялык абал оор деген жүйө келтирди. Франциянын президенти Эммануэл Макрон да парадга катышпай турган болду.

Пандемиядан улам быйылкы иш-чара 9-майдан 24-июнга которулган.

11-июнда Орусиянын тышкы иштер министри Сергей Лавров парадга 12 мамлекеттин башчысы, негизинен КМШ өлкөлөрүнүн жетекчилери келүүгө даяр экенин айткан.

Азыр Казакстан жана Беларус, Сербиянын президенттери парадга барууга камданып жатканы маалым болду.

Кыргызстандын президенти Сооронбай Жээнбековдун да парадга катышары кабарланган.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG