Линктер

ЧУКУЛ КАБАР!
21-Июнь, 2021 дүйшөмбү, Бишкек убактысы 01:46

Түркияда түркмөн жарандары уюштурган акцияга уруксат берилген жок


Акциянын катышуучулары. 26.06.2020

26-июнда Түркиянын Стамбул шаарында жашаган 50дөй түркмөнстандык пикетке чыкты. “Азаттыктын” кабарчысы жеринен маалымдагандай, алар түркмөн президенти Гурбангулы Бердымухамедовдун кызматтан кетүүсүн жана Түркиядагы түркмөн мигранттарын тез арада мекенине алып кетүүсүн талап кылышты.

Жергиликтүү полиция аларга акцияны өткөрүүгө уруксат берген жок. Мындай чектөөнү тартип коргоо кызматкерлери коронавирус пандемиясына байланыштуу Түркияда адамдардын топтолуп иш-чара өткөрүүсүнө уруксат жоктугу менен түшүндүрүштү жана мэриянын атайын уруксаты керек экенин билдиришти.

Акцияны уюштурган түркмөн активисттери бүгүнкү акцияга тоскоолдук жаратыш үчүн чагымчылар да барганын белгилешти. Стамбул шаарынын мэриясынан атайын урусат алгандан кийин дагы пикет уюштурууга аракет кыларын жарыялап, таркап кетишти.

Буга чейин да Түркиядагы түркмөнстандык мигранттар Стамбулдагы консулдуктун алдында пикет уюштурууга аракет кылышкан, бирок полиция аларды кууп тараткан.

Түркияда расмий 133 миңден ашык түркмөнстандык туруктуу жашоого уруксат алган. Мыйзамсыз иштеп жүргөндөр миңдеп саналат. (ElB)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG