Линктер

ЧУКУЛ КАБАР!
13-Июнь, 2021 жекшемби, Бишкек убактысы 09:20

Дарыгер-педагог, профессор Мария Нанаева дүйнөдөн кайтты


Мария Нанаева.

Медицина илимдеринин доктору, профессор, Улуттук илимдер академиясынын ардактуу академиги, Кыргызстандын эмгек сиңирген дарыгери Мария Нанаева 26-июнда 93 жаш курагында дүйнөдөн кайтты.

Кыргызстандагы фармакологиянын негиздөөчүсү, белгилүү окумуштуу, бийик деңгээлдеги педагог, "профессор Нанаеванын медициналык кадрларды даярдоого кошкон салымы баа жеткис" деп айтылат вице-премьер-министр Аида Исмаилова, академиктер Мамбет Мамакеев, Миталип Мамытов баштаган медицина тармагынын алдыңкы өкүлдөрү кол койгон некрологдо.

Мария Нанаева беш монографиянын, сексенден ашык окуу-методикалык сунуштамалардын, фармакология багытындагы эки жүздөн ашык илимий эмгектердин автору. Медицина илимдеринин 10 окумуштуусунун кандидаттык диссертациясына жетекчи болгон. Белгилүү коомдук ишмер, академик Кайып Оторбаевдин жубайы, мурдагы премьер-министр Жоомарт Оторбаевдин энеси.

Мария Нанаева 1927-жылы 22-ноябрда Талас облусунда туулган.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG