Линктер

ЧУКУЛ КАБАР!
30-ноябрь, 2020 дүйшөмбү, Бишкек убактысы 04:06

Баатырбеков: "Тез жардам" бригадаларын көбөйтүү зарыл


Бишкектеги "Тез жардам" мобилдик тобу. Иллюстрациялык сүрөт.

Биринчи вице-премьер-министр Алмазбек Баатырбеков акыркы учурда 103 жана 118 кызматына нааразылыктар көп болуп жатканына байланыштуу Бишкек шаарындагы “Тез жардам” борборунда кеңешме өткөрдү.

Анда Тез жардам кызматынын жана мобилдик топтордун ишин күчөтүү тууралуу сөз болду. Баатырбеков "Тез жардам" бригадаларын көбөйтүү зарылчылыгын айтты:

«Коронавирус инфекциясын жуктургандар көбөйүп жатканына байланыштуу учурда 103 жана 118 кызматына жарандардан кайрылуулар, ошол эле учурда нааразычылыктар да көп болуп жаткандыктан ыкчам түрдө Тез жардам кызматындагы бригадалардын санын көбөйтүү зарыл. Ошондой эле мобилдик топтордун иштөө алгоритмин карап чыгуу керек. Медициналык бригадаларды кадрлар менен камсыз кылууну Саламаттык сактоо министрлиги уюштурсун», - деди Алмазбек Баатырбеков.

Көчмө жыйындын соңунда Алмазбек Баатырбеков Саламаттык сактоо министрлигине Бишкек шаарынын Тез жардам кызматына дагы 20дан ашык бригада кошуу тапшырмасын берип, мамлекеттик органдарга атайын унааларын “Тез жардам” кызматына пайдаланууга берүүгө милдеттендирди. Бул тууралуу ыкчам штаб маалымдады.

Бишкек шаарында Тез жардам кызматына, ооруканалардын кабылдамаларына нааразылыктар күн санап өсүүдө. 26-июнь күнү өпкөсү кагынган 50 жаштагы адамды бир да бейтапкана албай койгондуктан оорукананын алдында жан берген.

27-июнда бир суткада коронавирус жуктурган 309 адам катталган. Бул пандемия башталгандан берки убактагы эң жогорку көрсөткүч болуп калды.

28-июнда COVID-19 жуктурган 235 адам жаңы катталды.(ZKo)

Пикирлерди көрүңүз (5)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG