Кыргызстанда эпидемиологиялык кырдаалга байланыштуу медициналык кызматкерлердин кадрлар резерви түзүлдү. Бул тууралуу өкмөттүн басма сөз кызматы маалымдады.
Жалпы жолунан тизмеде 870 адам бар. Алардын аймактар боюнча бөлүнүшү төмөнкүдөй:
Бишкек шаары – 518
Ысык-Көл облусу – 76
Талас облусу – 70
Нарын облусу – 67
Баткен облусу – 48
Чүй облусу – 42
Ош облусу, Ош шаары – 41
Жалал-Абад облусу – 8
Резервдегилердин 207си медициналык билим берүү уюмдарында. Резервдеги ординаторлор -302.
Резервдегилердин мультидисциплинардык медициналык бригадаларын окутуу үчүн 5 күндүк программа иштелип чыкты. Стационарлардын жана жогорку окуу жайларынын кафедраларынын базасында практикалык сабактарды өтүү менен аралыктан окутуу пландалууда. Окутуу 30-июнунда башталат.
Буга чейин өкмөттө пандемия шартында иштеген медицина кызматкерлеринин ордуна резерв даярдоо маселеси көтөрүлгөн.
Март айынан бери өлкөдө COVID-19 илдетине 700дөн медициналык кызматкер чалдыгып, эки дарыгер коронавирус жуктуруп алгандан кийин көз жумган. (TSh)
