Линктер

ЧУКУЛ КАБАР!
14-Июнь, 2021 дүйшөмбү, Бишкек убактысы 07:37

Жалал-Абад шаарына бир катар чектөөлөр киргизилди


Жалал-Абад шаары. Май 2020-жыл.

Соңку кырдаалга байланыштуу 3-июлдан тартып Жалал-Абад шаарында олуттуу чектөөлөр киргизилди. Бул туурасында мэриянын маалымат борбору билдирди.

Коронавирус күчөп кеткенине байланыштуу Жалал-Абад шаарында кафе, ресторан, коомдук тамактануу жайларына саат 08.00дөн кечки 20.00гө чейин гана иштөөгө уруксат берилди. Тойканаларда той-аш, эскерүү иш-чараларын өткөрүүгө уруксат жок.

Ишемби, жекшемби күндөрү коомдук транспорт убактылуу каттабайт. Базарлардын иш мөөнөтү 06:00дөн 18:00гө чейин деп чектелди.

Кийим-кече саткан ири базарлар ишемби, жекшемби күндөрү жабылып, дезинфекциялоо жүргүзүлөт. Элдин массалык чогулушуна жол бербөө максатында жума намазын окуу 3-июлдан тартып 18-июлга чейин убактылуу токтотулду. Ошондой эле парктардагы аттракциондордун, футбол аянтчаларынын, интернет клубдардын, түнкү көңүл ачуучу жайлардын жана бассейндердин ишмердүүлүгүнө белгисиз мөөнөткө чейин чектөө киргизилди.

Жалпысынан 18-марттан 2-июлга чейин өлкөдө коронавирус 6261 адамдан табылды, алардын ичинен 66 бейтап кайтыш болду, 2530у айыгып кетти. Cоңку күндөрү Жалал-Абад облусунун аймагында да оору жуккандар көбөйүп баратканы айтылууда. (RsK)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG