Линктер

ЧУКУЛ КАБАР!
14-Июнь, 2021 дүйшөмбү, Бишкек убактысы 08:48

Бишкектин мэри ишкерлерди ИВЛ алып берүүгө чакырды


Бишкектин мэри Азиз Суракматов борбордогу ооруканаларда кычкылтек концентраторлору жетишпей жатканын айтып, ишкерлерге кайрылды.

Ал учурдагы кыйын кырдаалда керектүү медициналык жабдыктарды сатып берүүгө чакырды

“Биз ИВЛ аппараттар жана кычкылтек концентраторлору жетишпей жатканын моюнга алууга мажбурбуз. Ошондуктан, чакан жана орто бизнестин өкүлдөрү, меценаттар жана ишкерлерге кайрылам. Адамдын өмүрүн сактоо үчүн керектүү жардамды көрсөтүңүздөр”, - деп билдирди Суракматов.

Кыргызстанда кийинки күндөрү коронавируска кабылган жана өпкөсү кагынган (пневмония) жарандар көбөйүүдө. Ооруканаларда орундардын, жасалма дем алдыруучу аппараттардын жана кычкылтек концентраторлорунун жетишсиздиги байкалууда.

Бул жабдыктарды сатып алыш үчүн жергиликтүү ыктыярчы жарандар, уюмдар каражат чогултуп жатат.

Буга чейин премьер-министр Кубатбек Боронов өкмөт Кытайдан 500 даана кычкылтек концентраторун сатып алганын кабарлаган.

Премьердин билдиргенине караганда ушул тапта саламаттык сактоо мекемелеринде 572 ИВЛ аппарат, 610 кычкылтек концентратору бар.

3-июлда Өзбекстан Бишкекке жардам иретинде 100 ИВЛ жөнөткөн.

Кыргызстандын башкы өпкө дарыгери Талантбек Сооронбаев "Азаттыкка" берген интервьюсунда буга чейин жай айларында пневмония менен ооругандар мынчалык көп катталбаганын, өлкөдө сасык тумоо эмес эле COVID-19 пандемиясы гана өкүм сүрүп жатканын айткан.(BkA)

Пикирлерди көрүңүз (7)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG