Линктер

ЧУКУЛ КАБАР!
7-август, 2020 жума, Бишкек убактысы 19:08

Караколдо жаштар "Тез жардамдын" автоунаасын оңдоп жатышат


Каракол шаардык "Тез жардам" кызматындагы авариялык абалдагы автоунаа. 2020-жыл. 11-июль.

Ысык-Көлдүн Каракол шаарында "Тез жардам" кызматындагы кырсыктан улам төрт жылдан бери жүрбөй турган автоунааны жаштар оңдоп бергени жатышат. Бул тууралуу демилгечи жаштардын бири Жоомарт Жамангулов маалымдады.

"Март айында карантин башталганда постторго тамак ташып, ошол жерде туруп аттык. Ошол эле учурда муктаждарга азык-түлүк жеткирип да жүрдүк. Бул жолу шаардык штабдын мүчөлөрүнө кандай көмөк керек деп кайрылдык. Шаардык поликлиниканын жетекчиси 2015-жылы жол кырсыгына кабылган "Тез жардам" автоунаасы бар экенин айтып, ошону жасатып берүүбүздү суранган".

2015-жылдан бери Каракол шаардык "Тез жардам" кызматынын короосунда турган бул автоунаа 2014-жылы алынган. Бир жылга жетпей кырсыкка кабылып, жарактан чыккан. Бул окуя боюнча соттук териштирүү бүтө элек.

Караколдук демилгелүү жаштар каражат чогултуп, бир жаңы "Тез жардам" автоунаасын алып берүүнү пландап жатышат. Каракол шаарында эки "Тез жардам" автоунаасы бар. 2019-жылы Ысык-Көлдү өнүктүрүү фонду облуска тогуз машине алып берген. (KS)

Пикирлерди көрүңүз

XS
SM
MD
LG