Линктер

ЧУКУЛ КАБАР!
15-Июнь, 2021 шейшемби, Бишкек убактысы 09:57

Армян-азери чек арасындагы кагылышта дагы 11 аскер окко учту


Азербайжан менен Армениянын чек арасы.

Азербайжандык жети аскер, анын ичинде армия генералы жана төрт армениялык жоокер эки өлкөнүн чек арасында уланып жаткан кагылышуунун үчүнчү күнүндө окко учту.

14-апрелде Азербайжандын Коргоо министрлиги билдиргендей, көз жумгандардын арасында генерал-майор Полад Гасимов жана полковник Илькар Мирзаев дагы бар.

Армениянын коргоо министрлиги ушул эле күнү алар тарапта каза тапкандардын ичинде да майор жана капитан даражасындагы аскерлер бар экенин маалымдады.

Жалпысынан атышуу башталган 12-июлдан бери эки тараптан 16 киши каза тапты.

Шейшемби күнү кечинде Бакуда жүздөгөн адамдар жүрүшкө чыгып, аскерлерге тилектештик билдиришти. Алардын айрымдары Күч түзүмдөрүнүн башкы штабынын жетекчисинин кызматтан кетишин талап кылышты.

Азербайжан менен Армения атышуу үчүн бири-бирин айыптап жатышат.

Европа Биримдиги, АКШ жана Орусия тараптарды ачууга алдырбоого чакырды.

АКШнын мамлекеттик катчысы Майк Помпео тараптарды ок атышпоо тууралуу макулдашууларды сактоого, Тоолуу-Карабак жаңжалын тынч жол менен чечүү боюнча сүйлөшүүлөрдү кайра баштоого үндөдү.

Түштүк Каваказдагы эки коңшу өлкө буга чейин Тоолуу Карабактан улам жаңжалдашып келген. Соңку чек ара жаңжалы Тоолуу Карабактан алыс аймакта орун алды жана буга чейин мындай окуялар сейрек катталчу.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG