Линктер

ЧУКУЛ КАБАР!
28-Январь, 2021 бейшемби, Бишкек убактысы 19:11

Швейцария Кыргызстанга 15 миллион сомдук гумжардам жөнөттү


Швейцария өкмөтүнүн гуманитардык жардамы.

Швейцария өкмөтү Кыргызстандын коронавируска каршы иштеп жаткан мобилдик бригадаларына гуманитардык жардам жөнөттү. Бул өлкөнүн элчилиги 16-июлда кабарлагандай, БУУнун Калкты жайгаштыруу фонду (UNFPA) менен бирге кыргызстандык дарыгерлер үчүн жалпы баасы 15 миллион сомго коргонуучу санитардык каражаттар сатылып алынды.

Жалпы саны 24 миң даана атайын кийим, беткап, көз айнек, бетке калканчалар жана 100 кутуга салынган колкаптар Саламаттык сактоо министрлиги менен макулдашуу боюнча Чүй, Нарын жана Ош облустарындагы медициналык мобилдик бригадаларды жабдуу үчүн өткөрүлүп берилмей болду.

Элчилик тараткан маалыматта “Сапаттуу жеке коргонуу каражаттарын колдонгон медицина кызматкерлери кесиптештерин, бейтаптарын, үй-бүлөсүн же коомду коркунучка дуушар кылбаш үчүн коргоодо болушат, ошону менен бирге инфекциянын адамдан адамга жугуу деңгээлин азайта алышат” деп айтылды.

Буга чейин Швейцария өкмөтү Кыргызстанда медицина кызматкерлерин окутууга, аларды жабдууга, ар бир облуста call-кызматтарды ачууга көмөк көрсөткөн.

16-июлга карата өлкөдө пневмониядан 612, коронавирустан 167 адам кайтыш болду.

Эпидемияга байланыштуу Кыргызстанга чет мамлекеттер жана эл аралык уюмдар жардам берип жатышат. (RK)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG