Линктер

ЧУКУЛ КАБАР!
25-ноябрь, 2020 шаршемби, Бишкек убактысы 13:41

Жогорку Кеңештин мурдагы депутаты Мусаев каза болду


Насыр Мусаев парламентте.

“Кыргызстан дунгандары ассоциациясынын” экс-вице-президенти, Жогорку Кеңеште “Кыргызстан” фракциясынын мурдагы депутаты Насыр Мусаев узак оорудан кийин кайтыш болду.

“Кыргызстан” фракциясынын катчылыгы депутат мурдатан ооруп жүргөнүн “Азаттыкка” маалымдады. Маркум 62 жашта болчу.

Насыр Мусаев 1958-жылы Токмок шаарында туулган. Жеке ишкерлик менен алектенип, туристтик ишканаларды түптөгөн. Чүй облустук кеңешинин, Токмок шаардык кеңешинин депутаты болуп жүргөн.

2018-жылы Жогорку Кеңешке маркум депутат Жыргалбек Калмаматовдун ордуна депутат болуп келип, ден соолугуна байланыштуу жыйындарга активдүү катыша алган эмес. 2019-жылы күзүндө ордун Бектен Сыдыгалиевге бошотуп берген.

“Кыргызстан дунгандары ассоциациясында” 2013-жылы вице-президент болуп турган. Артында беш баласы калды. (ZKo)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG