Линктер

ЧУКУЛ КАБАР!
26-ноябрь, 2020 бейшемби, Бишкек убактысы 20:44

БШК шайлоону уюштуруу үчүн кимге канча төлөнөрү тууралуу маалыматын жарыялады


Иллюстрациялык сүрөт.

Борбордук шайлоо комиссиясы (Боршайком) парламенттик шайлоого жумшала турган акча боюнча маалымат берди. Мекеменин расмий сайтына жарыяланган маалыматта канча сом кандай максатта коротулары, кимге канча төлөнүп берилери жазылды.

Аймактык жана участкалык 2464 шайлоо комиссиясы (анын 44ү чет өлкөлөрдө) түзүлүп, алардын 31483 мүчөсү болот. Участкалык комиссияларда иштөөгө 1846 оператор, коопсуздукту камсыз кылууга жалпысынан 4680 милиция кызматкери тартылат.

Айлык маянага Боршайкомго 23 миллиондон, Тышкы иштер министрлигине 2,8 миллиондон жана облустарга 193 миллион сомдон ашуун акча которулат.

Иш сапарларга 8 миллион, байланышка дээрлик 7 миллион, транспорттук чыгымдарга 25 миллион, чарбалык керек-жаракка 18 миллион жана башка чыгымдарга 132 миллион сом деп пландалды.

Ошентип, жалпысынан республикалык бюджеттен быйылкы парламенттик шайлоого 446 миллион 996 миң сом каралмай болду.

Финансы министрлиги бул өнөктүккө 560 миллион сом каралганын былтыр кабарлаган.

Кыргызстан парламенттик шайлоону быйыл 4-октябрда өткөрүүнү пландап жатат. Ага катышкысы келерин 44 саясий партия билдирди.

Айрым саясатчылар эпидемия учурунда шайлоо өткөрүүнүн кереги жоктугун айтып жатышат, ал эми Боршайком бул жараянды өз убагында өткөрүү демократиялык өлкө үчүн маанилүү талап экенин билдирүүдө.

Президент Сооронбай Жээнбеков парламент өз мөөнөтүндө шайланып, жаңы өкмөттү бекитерин 18-июлда айтты. (RK)

Пикирлерди көрүңүз (8)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG