Линктер

ЧУКУЛ КАБАР!
3-декабрь, 2020 бейшемби, Бишкек убактысы 10:26

HRW: Кыргызстанда пневмониянын коронавирустун статистикасына кошулганы туура болду


Иллюстрациялык сүрөт.

Эл аралык "Human Rights Watch" уюму Кыргызстан жана Казакстан бийликтеринин пневмония оорусун COVID-19 илдетинин статистикасына кошуп саноо чечимин кубаттады. Бул тууралуу уюмдун сайтында жазылды.

Эл аралык укук коргоо уюмунун кайрылуусунда “ооруларды кошуп саноо өлкөдөгү чыныгы кырдаалды ачык көрсөтүп, бийликтин абалды оңдошуна жана жарандардын ден соолугуна кам көрүшүнө жардам берет” деп айтылат. "Human Rights Watch" уюмунун Борбор Азия боюнча изилдөөчүсү Мира Ритман коронавирус инфекциясы жөнүндө такталган маалыматтарды чогултуу илдеттин жайылышын токтотууда маанилүү экенин белгилейт.

Уюм учурда Кыргызстан менен Казакстан коронавирус илдети тез жайылып жаткан өлкөлөрдүн катарында экенин белгилеп, өлкө бийлигин чукул чараларды көрүүгө чакырды.

Кыргызстан 17-июлдан тартып коронавирус менен пневмонияны чогуу эсептөөгө өттү. Кыргызстанда COVID-19 илдети жуккандардын саны 30 миң кишиге чамалады. Булар - коронавируска каршы тест тапшыргандан кийин илдет аныкталган жана пневмония болгон адамдар. Коронавирус илдети жуккандардын 53,6 пайызы же 15 851и сакайды, 3,8 пайызы же болбосо 1123ү каза болду. (TSh)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG