Линктер

ЧУКУЛ КАБАР!
5-декабрь, 2020 ишемби, Бишкек убактысы 14:35

COVID-19: Кыргызстан расмий эсепке кирбей калгандарды аныктоого киришти


Иллюстрациялык сүрөт.

Кыргызстанда коронавирус менен ооруп, бирок расмий статистикага кирбей калгандар канча адам экенин аныктоо иши башталды. Бул тууралуу 24-июлда «Азаттык» радиосунун суроосуна жооп берип жатып Саламаттык сактоо министрлигинин өкүлү Айнура Акматова билдирди.

Анын айтымында, жеке менчик лабораторияларга кайрылгандардын иммуноферменттик анализинин жыйынтыгы чогултулуп, такталып, оору канчалык тараганы изилденет.

Акматова билдиргендей, азыр ооругандардын жалпы саны 30 миңдин тегерегинде. Бул өлкө калкынын 0,5 пайызы:

«Коронавирустун лабораториялык жол менен жана клиникалык-эпидемиологиялык жол менен тастыкталган учурлары жалпы калктын 0,5 процентин түзөт. Белгилери байкалбай ооруп жаткандар да бар экени баарыбызга белгилүү. Алар өзүн жакшы сезгендиктен медицина кызматкерлерине кайрылган жок. Калктын канчасы ооруду же ооруп, антителолор иштелип чыкканын билиш үчүн Дүйнөлүк саламаттык сактоо уюму менен бирге ошондой изилдөөлөр жүргүзүлө баштады».

Өлкөнүн башкы пульмонологу азыр денеси ысып, тумоологондордун баары коронавирус экенин айтууда. Бирок министрликтин расмий статистикасына, адатта, ооруканага жаткырылгандар гана кирет.

Коронавирус эпидемиясы башталган март айынан бери 24-июлга карата бул инфекция 31 247 адамга жукту, алардын 18 038и айыгып кетти, 1 211и каза болду.

Оорукана жетишсиз болгондуктан үйүнөн өз алдынча дарылангандар да бар экенин, алардын айрымдары доктурга жетпей каза болуп жатканын "Азаттыкка" ыктыярчылар жана бейтаптардын жакындары айтып беришкен. (RK)

Пикирлерди көрүңүз (8)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG