Линктер

ЧУКУЛ КАБАР!
4-Август, 2021 шаршемби, Бишкек убактысы 23:06

Москвада армяндар менен азерилердин мушташына катышкандар кармалды


Москвадагы мушташка катышкандарды полиция кармап кетти. 24-июль, 2020-жыл

Москва шаарынын полициясы армян жана азери жамааттарынын бир нече кагылышуусунан кийин 25 кишини кармап кетти. Эки кылмыш иш козголгонун Ички иштер башкармалыгынын маалымат кызматы кабарлады. Кармалгандар кайсы улуттагылар экени айтылбайт, бирок алардын ыктымал экстрадициясы тууралуу эскертилди.

Жума күнү орусиялык бир катар маалымат каражаттары башкалаада бир нече кагылышуу болгонун жазышкан. Мисалы, “Братиславская” метросунун, азери ресторанынын жанында жана Нижние поля көчөсүндө калайман мушташ болгону кабарланган. "РБК" агенттиги ошондой мушташтардын бирине 50дөй киши катышканын билдирди.

Орусиядагы азербайжандар уюмунун вице-президенти Элунур Гусейнов Санкт-Петербург шаарында жана Тюмен облусунда да мушташ болгонун айтты. Жаңжалдар тууралуу Армениянын Москвадагы элчилиги жасаган билдирүүдө да маалымдалат.

Июлдун ортосунда Армения менен Азербайжандын чек арасында бир нече куралдуу кагылышууда ондогон киши мерт кеткен. Тараптар эскалация үчүн бири-бирин айыпташууда.

Буга чейин эки улуттун өкүлдөрү Лондон, Брюссель, Лос-Анжелесте да жаңжалдашканы жөнүндө кабарлар чыккан.

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG