Линктер

ЧУКУЛ КАБАР!
19-Июнь, 2021 ишемби, Бишкек убактысы 23:37

Кыргызстанда COVID-19 жуккан медициналык кызматкерлердин саны 2600дөн ашты


Бишкек. Күндүзгү стационарда иштеп жаткан дарыгер.

Кыргызстанда соңку бир сутка ичинде 53 медициналык кызматкерден коронавирус табылды. Бул тууралуу 25-июлда онлайн брифинг учурунда Саламаттык сактоо министрлигинин өкүлү Айнура Акматова билдирди.

Алардын ичинен эң көбү Ош облусунда – 16 дарыгер. Баткен облусунда 11, Бишкек шаарында тогуз, Ош шаарында сегиз, Чүй облусунда беш, Ысык-Көлдө эки жана Жалал-Абад, Талас облусунда бирден дарыгерлер.

Бир суткада 12 медициналык кызматкер ооруканалардан, мындан сырткары үй карантининен 48 медициналык кызматкер айыкты.

Жалпысынан республика боюнча COVID-19 диагнозу менен медициналык кызматкерлер арасында – 2 633 учур катталды, алардын ичинен 1 305 медкызматкер айыкты.

Расмий маалыматка караганда, өлкөдө коронавирустан 30га чукул медициналык кызматкер каза болду. Журналисттердин эсептөөсүндө, алардын саны 50дөн ашты. (BTo)

XS
SM
MD
LG