Линктер

ЧУКУЛ КАБАР!
1-декабрь, 2020 шейшемби, Бишкек убактысы 17:47

Малайзиянын экс-премьер-министри 12 жылга кесилди


Нажиб Разак Куала-Лумпурдун сотуна жеткирилген учур. 4-июль, 2018-жыл

Малайзияда сот 1MDB фондунун тегерегиндеги бир нече миллиард долларлык чууга байланыштуу мурдагы премьер-министр Нажиб Разакты 12 жылга эркинен ажыратты.

Судья Мохамад Газали 28-июлда Нажибди «Арам акчаны адалдаштыруу», «Кызматынан кыянатчылык менен пайдалануу», «Ишенимге кылмыштуу жол менен кирүү» деген беренелер боюнча күнөөлүү деп тапты. Ага ошондой эле 49,3 миллион доллар айып чегерилди.

Нажиб өзү 2009-жылы Малайзиянын экономикалык өнүгүшүн тездетүү максатында ачкан 1MDB фондунан уурдалган акчага тиешеси жок экенин айтып келет.

Тергөөчүлөр бул фонддон кеминде 4,5 миллиард доллар уурдалып, татаал операциялар аркылуу адалдаштырылганын айтышкан. Ал акчага зер буюмдар, кымбат баалуу мүлк, яхталар жана турак жайлар алынган.

Нажиб Разак камаларда, 2018-жылы «Reuters» агенттигиндеги маегинде үйүнөн табылган 300 кутуча зер буюмдар жана кымбат баалуу сумкалар аялына жана кызына келген белектер экенин айткан. Ал ошондой эле күйөө баласы, Казакстандын мурдагы президенти Нурсултан Назарбаевдин жээни Данияр Назарбаев да он миңдеген долларлык сумкаларды белек кылганын кошумчалаган.

Нажиб Разак Малайзия өкмөтүн 2009-жылдан 2018-жылга чейин башкарган.

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG