Линктер

ЧУКУЛ КАБАР!
17-Январь, 2021 жекшемби, Бишкек убактысы 00:04

УКМК: Кылычбек Султан элчилик кызматына байланыштуу иште күбө катары өтүп жатат


Кылычбек Султан.

Улуттук коопсуздук боюнча мамлекеттик комитет (УКМК) Кылычбек Султандын суракка чакырылышы боюнча түшүндүрмө берди. УКМКнын басма сөз кызматы тараткан маалыматка ылайык, Кылычбек Султандын Кыргызстандын Түштүк Кореядагы ыйгарым укуктуу элчиси болуп иштеп жүргөндө кызмат абалынан пайдаланышы ыктымал экендигине байланыштуу сотко чейинки териштирүүгө алынган бир катар эпизоддор боюнча иликтөө-текшерүү иштери жүрүп жатат.

Маалыматта «27-июль күнү Кылычбек Султан Улуттук коопсуздук боюнча мамлекеттик комитетке аталган иш боюнча күбө катары чакырылган. Бирок Кылычбек Султан көрсөтмө берүүдөн баш тартканы үчүн тергөө чаралары жылдырылды» деп жазылган.

УКМКнын басма сөз кызматы сөз болуп жаткан иш тууралуу кенен маалымат берген жок.

Кыргызстандын Малайзиядагы, Түштүк Кореядагы мурдагы элчиси Кылычбек Султан УКМКга соңку апта ичинде үч ирет чакыртылганын анын жактоочусу Таалайгүл Токтакунова «Азаттыкка» 29-июлда билдирген.

Адвокаттын айтымында, 23-июлда ал 2018-жылы элчилик кызматына байланыштуу катталган кылмыш иши боюнча күбө катары сурак берип чыккан.

24-июлда бийликти күч менен басып алуу тууралуу козголгон иш боюнча чакырылган, бирок адвокатсыз сурак берүүдөн баш тарткандыктан, тергөөчү менен жолугушуу 27-июлга которулган.

27-июлда, Токтакунованын айтымында, алар атайын кызматтын имаратында үч сааттай болушкан. Ошол күнү Кылычбек Султан Жазык кодексинин 309-беренесинин («Бийликти күч менен басып алуу») негизинде ачылган сотко чейинки териштирүүнүн алкагында күбө катары сурак берген. Бул иш 17-июлда факт боюнча козголгону белгилүү болгон.

Кылычбек Султан «Фейсбуктагы» баракчасына президент Сооронбай Жээнбековго импичмент жарыялоо боюнча 5-августта нааразылык акциясы болору тууралуу жазган. Ошондой эле пандемия шартында бийликтин кетирген кемчиликтери, коррупцияга каршы күрөш начар болуп жатканы тууралуу сын пикирлерин Интернетте жазып келген.

2018-жылдын декабрында ал Түштүк Кореяда элчи болуп турган кезинде элчиликтерде коррупциялык иштер бар экендиги тууралуу пикирин коомчулукка жарыялаган. Терс көрүнүштөр тууралуу Тышкы иштер министрлигине, УКМКга, президенттик аппаратка жазган каттарына жооп болбогону үчүн президентке ачык кайрылганын билдирген. Ушундай жагдайдан кийин Кылычбек Султан да, мурдагы тышкы иштер министри Эрлан Абдылдаев да кызматтан кеткен. (ZKo)

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG