Линктер

ЧУКУЛ КАБАР!
20-Июнь, 2021 жекшемби, Бишкек убактысы 01:34

Министр Жаманкулов: коррупциялык иштерге аралашкан эмесмин


Азамат Жаманкулов.

Маданият, маалымат жана туризм министри Азамат Жаманкулов ага катталган ишкана жана үй-мүлкү жөнүндө түшүндүрмө берди. Жаманкуловдун айтымында, 2008-жылы ачкан «Риэлт Партнер» компаниясы ошол жылдары эле ишмердүүлүгүн токтоткон.

Министр ал компания документте кала бергенин жана аны жок кылууга арыз жазылганын билдирди. Ал эми үйү жөнүндө маалыматтарды четке какты.

“Аянты 1500 чарчы метр болгон үйү бар” деген маалымат жалган. Аянты 15-20 чарчы метр батирим бар. Азырынча шарт түзүлбөгөндүктөн ал жакта жашабайбыз. Аялым экөөбүз ижарага батир алып жашайбыз. Аялым дагы мамлекеттик кызматкер. Экөөбүз тапкан киреше батирдин ижарасына жана башка чыгымдарга кетет. Андыктан мен мамлекеттик кызматта иштеп турганда кандайдыр бир үй-мүлк алды деген абсурд”, - деди Жаманкулов.

Жаманкулов эч качан коррупциялык иштерге аралашпаганын кошумчалады.

Буга чейин Economist.kg сайтты маданият, маалымат жана туризм министри Азамат Жаманкулов 2015-2016-2018-жылдары тапшырган декларациясында үй-мүлкүн жана бизнесин көрсөтпөй койгонун жазып чыкты. Economist.kg Жаманкулов ээси катары көрсөтүлгөн «Риэлт Партнер» компаниясы казынага бир сом да төлөбөгөнүн белгилеген.

33 жаштагы Азамат Жаманкулов маданият, маалымат жана туризм министри болуп 2018-жылы 26-октябрда дайындалган. Ага чейин 2015-жылдан бери туризм департаментин жетектеген. (TSh)

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG