Линктер

ЧУКУЛ КАБАР!
14-август, 2020 жума, Бишкек убактысы 07:27

2-август: 19 медициналык кызматкерден коронавирус табылды


Кыргызстан. Күндүзгү стационардын дарыгерлери бейтапка жардам көрсөтүшүүдө.

Кыргызстанда бир сутка ичинде 19 медициналык кызматкерден коронавирус табылды. Республикалык штабдын 2-августтагы маалыматына ылайык, коронавирус жугузуп алган медицина кызматкерлеринин бирөө Бишкекте, бирөө Ош шаарында, алтоо Ош облусунда, бирөө Жалал-Абад аймагында, сегизи Ысык-Көл облусунда, экөө Баткенде катталды.

Бир күн аралыгында беш медициналык кызматкер айыгып, ооруканалардан чыкты. Үй карантининде отурган 41 кызматкер сакайды.

Ушуну менен республика боюнча COVID-19 диагнозу аныкталган медиктердин саны 2 809 кишиге жетти. Анын 1 812си айыкты.

Коронавируска каршы республикалык ыкчам штабдын расмий маалыматына караганда, пандемияда коронавирустан 73 медицина кызматкери кайтыш болду. Ушул тапта миңден ашуун медициналык кызматкер дарыланууда. (TSh)

Пикирлерди көрүңүз

XS
SM
MD
LG