Линктер

ЧУКУЛ КАБАР!
14-Июнь, 2021 дүйшөмбү, Бишкек убактысы 09:50

Нобел сыйлыгынын лауреаты Жон Хьюм дүйнөдөн кайтты


Жон Хьюм. 11-август, 2016-жыл. Түндүк Ирландия.

Түндүк Ирландиядагы жаңжалдын токтошуна себеп болгону үчүн Нобел
сыйлыгына татыган Жон Хьюм 3-августта 83 жаш курагында оорудан көз
жумду.

Хьюм бул сыйлыкка 1998-жылы «Ольстер» партиясынын мурунку лидери Дэвид Тримлоу менен кошо татыктуу болгон.

Ирландиянын улуттук университетин аяктаган соң Жон Хьюм искусствонун магистри болгон. Кийинчерээк насыя бирикмесинин түзүүчүсү болуп калган.

1969-жылы Түндүк Ирландиянын парламентине шайланып, бир жылдан соң тарапташтары менен кошо Социал-демократиялык либерал партияны түзгөн. 1979-жылы Европарламенттин өкүлү болгон.

Жон Хьюм Англо-ирландиялык келишимге да 1985-жылы кол койгон.

1998-жылы ал Белфаст макулдашуусуна катышкан. Ал макулдашуу
Түндүк Ирландиядагы 30 жылдан берки тирешке чекит койгон.

2004-жылы Хьюм саясаттан кетүүнү чечкен.

XS
SM
MD
LG