Линктер

ЧУКУЛ КАБАР!
2-октябрь, 2020 жума, Бишкек убактысы 05:57

Вашингтондо Ак үйдүн жанында ок атылды


Ак үйдүн жанында ок атылгандан кийинки абал. 10-август, 2020-жыл.

Вашингтондо Ак үйдүн сыртында АКШнын Жашыруун кызматынын офицери бир адамга ок атты. Аталган кызмат маалымдагандай, окуя 10-августта кечки саат 18:00 чамасында болгон.

51 жаштагы адам офицерге жакындап келип, куралы бар экенин айткан жана ок атууга камданган. Ушундан улам Жашыруун кызматтын офицери көкүрөк тушка аткан. Натыйжада ок тийген адам да, офицер да ооруканага жеткирилди. Азырынча алардын абалы тууралуу маалымат бериле элек.

Окуя президент Дональд Трамп Ак үйдө коронавируска байланыштуу брифинг өткөрө баштаган маалда болду. Күзөт кызматы Трампты кыска убакытка брифинг өтүп жаткан бөлмөдөн чыгарып кетүүгө аргасыз болду. Көп өтпөй президент Трамп кайтып келип, абал көзөмөлдө экенин айтты. Ошондой эле ок атуунун өзүнө тиешеси жок болушу мүмкүн экенин билдирип, офицерлердин аракетин кубаттады.

Жашыруун кызмат окуяда Ак үйдүн комплексине зыян келбегенин, андагы кызматкерлерге коркунуч жок экенин билдирди.

Май айынын соңунда жана июнь айынын башында АКШнын бир нече аймагында өткөн расалык теңсиздикке каршы ири нааразылык акцияларынан улам Ак үйдүн айланасында коопсуздук чаралары күчөтүлгөн.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG