Линктер

ЧУКУЛ КАБАР!
27-ноябрь, 2020 жума, Бишкек убактысы 20:03

УКМКнын кызматкери Түп районунун акими болуп дайындалды


Улуттук коопсуздук боюнча мамлекеттик комитеттин (УКМК) Ысык-Көл облусундагы башкармалыгынын бөлүм башчысы Бахтияр Акимбаев Түп районунун мамлекеттик администрация башчысы – акими болуп дайындалды.

Тиешелүү буйрукка премьер-министр Кубатбек Боронов 10-августта кол коюп, 12-августта өкмөттүн Ысык-Көл облусундагы өкүлү Балбак Түлөбаев жаңы акимди райондун тургундары менен тааныштырды. Бул тууралуу облустук бийлик кабарлады.

Бахтияр Акимбаев 1997-2002-жылдары Касым Тыныстанов атындагы Ысык-Көл мамлекеттик университетинде окуган. 2002-2003-жылдары аскер кызматын өтөгөн.

Эмгек жолу:

- 2004-жылы Түп айыл өкмөтүнүн кызматкери;

- 2004-2005-жылдары Түп райондук аскер комиссариатынын кызматкери;

- 2005-2015-жылдары УКМКнын Ысык-Көл облусундагы башкармалыгынын кызматкери;

- 2015-жылдан бери УКМКнын Ысык-Көл облусундагы башкармалыгынын бөлүм башчысы болуп иштеп келаткан.

Үй-бүлөлүү, төрт баланын атасы. (BTo)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG