Линктер

ЧУКУЛ КАБАР!
5-декабрь, 2020 ишемби, Бишкек убактысы 21:40

Ички паспорт кымбаттайт


Биометрикалык ID паспорттун аныктамасы. 2017-жыл.

17-августтан тартып ички паспорт (ID) кымбаттайт. Бул биометрикалык электрондук ID-картты бекер чыгаруу мөөнөтү аяктаганына байланыштуу болууда.

Мамлекеттик каттоо кызматынын маалыматына караганда, мындан ары ички паспорттун бланкы үчүн 206 сом төлөнөт. Ошондой эле паспортко ээси тууралуу маалыматтарды кошууга 241 сом, банк кызматы үчүн 23 сом төлөнөт. Натыйжада ички паспорттун жалпы баасы 470 сом болот.

ID картты шашылыш алууну каалагандар 1260 сом төлөшөт.

Жарандарды биометрикалык ID-карт менен камсыз кылуу 2017-жылдын 1-майынан тартып ишке ашырылып келет. Паспортко жайгаштырылган чипте анын ээси тууралуу, бирометрикалык маалыматына чейин толук камтылган. Долбоор Түштүк Кореянын Эл аралык кызматташтык агенттигинин (KOICA) жардамы менен ишке ашырылып келди. Анын алкагында 1,9 млн. ID-карттын бланкы жарандарга акысыз берилди.

Кыргызстанда жарандарга жалпы улуттук паспорт жана ички паспорт болуп саналган ID-карт берилет.

Кыргызстанда паспорт жасоо коррупциялашкан тармактардын бири болуп эсептелип, буга чейин дүйнөнүн бир нече өлкөсүндө террордук аракеттер жана башка кылмыштар үчүн шек саналган кишилер жасалма кыргыз паспортун колдонгону аныкталган. (ZKo)

Пикирлерди көрүңүз (4)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG