Линктер

ЧУКУЛ КАБАР!
1-октябрь, 2020 бейшемби, Бишкек убактысы 20:44

Ишкерлерди колдоого бөлүнгөн 14 млрд. сом колдонула элек


Иллюстрациялык сүрөт.

Коронавирус пандемиясынан улам киргизилген чектөөлөрдүн айынан чыгымга учураган ишкерлерди колдоого бөлүнгөн 14 млрд. сом колдонула элек. Бул тууралуу 14-августта өкмөттүн кезексиз жыйынында өлкөнүн социалдык-экономикалык өнүгүшүнүн биринчи жарым жылдыгынын жыйынтыгын талкуулоодо белгилүү болду.

«Демек, ишкерлерге бул программа боюнча маалымат жакшы жеткен эмес. Калк арасында түшүндүрүү иштерин жүргүзүп, бул программа алардын киреше табышына багытталып иштелип чыкканын айтып жеткирүү зарыл», - деди премьер-министр Кубатбек Боронов.

Боронов насыя алуунун жол-жобосун жөнөкөйлөтүүнү, арызды кароонун мөөнөтүн кыскартууну тапшырып, ишкерлер бир жуманын ичинде насыя алар-албасы боюнча жооп алышы керек экенин айтты.

Кыргыз өкмөтү буга чейин коронавируска байланыштуу чектөөлөрдөн биринчи болуп жабыр тарткан жана көп чыгымга учураган бизнестин түрлөрү талдоого алынарын жана аларга каржылык колдоо көрсөтүлөрүн жарыялаган. Ал үчүн 14 млрд. сом табылганын билдирген.

Кыргызстанда коронавирус пандемиясынан улам 25-марттан 11-майга чейин Бишкек, Ош шаарлары баш болгон бир катар аймактарда өзгөчө абал жарыяланып, ишканалар ишин токтоткон. Өкмөт жыл башынан бери 12 млрд. сомдой салык жана бажы төлөмдөрү чогулбай калганын билдирди. (BTo)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG