Линктер

ЧУКУЛ КАБАР!
25-сентябрь, 2020 жума, Бишкек убактысы 20:26

Орусиядан 300дөн ашык кыргызстандык мекенине кайтып келди


«Авиа Траффик Компани» компаниясынын учагы. Иллюстрациялык сүрөт.

«Авиа Траффик Компани» авикомпаниясынын эки учагы Москва-Бишкек жана Санкт-Петербург - Ош каттамдары менен кыргызстандык 312 жаранды алып келди. Бул тууралуу Кыргызстандын Тышкы иштер министрлиги (ТИМ) кабарлады.

Анда айтылгандай, учактар 14-августта келди.

Кайтып келгендердин ичинде кош бойлуу, жаш балалуу аялдар, студенттер, кары-картаңдар, муктаждар жана башка аялуу катмардагы жарандар бар.

Кыргызстандын Орусиядагы элчилигинин маалыматына караганда, 20-марттан 1-августка чейин Орусиянын 21 аймагынан 20 миңден ашуун кыргыз жараны мекенине кайтты. Алар үчүн 80ге жакын авиакаттам жана Казакстандын аймагы аркылуу Оренбург, Самара облустарынан 52 автобус уюштурулган.

Мурдараак Орусиянын Кыргызстандагы элчилиги билдирүү таратып, Бишкек менен Оштон Орусиянын шаарларына 15-августтан авиакаттам ачыларын билдирген. 30-августка чейин 16 каттам болору кабарланган. (ErN)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG