Линктер

ЧУКУЛ КАБАР!
30-ноябрь, 2020 дүйшөмбү, Бишкек убактысы 03:55

Ош шаардык ооруканасына кыргызстандык өзбектер «Тез жардам» машинесин алып беришти


«Тез жардам» автоунаасы жана медициналык каражаттар.

18-августта Ош шаардык ооруканасына «Тез жардам» автоунаасы жана медициналык каражаттар тапшырылды. Мэриянын басма сөз кызматынын маалыматына караганда, жардам берүү боюнча шаардык кеңештин депутаты Сухбатилло Мирзаев демилге көтөрүп, аны Ош шаарындагы өзбек улуттук-маданий борбору жана бир нече ишкерлер колдогон.

Медициналык каражаттарды тапшыруу иш-чарасына Оштун мэри Таалайбек Сарыбашов катышып, коронавирус менен күрөшүүдө ишкерлердин салымы чоң экенин белгиледи.

Шаардык ооруканага жалпысынан реанимация жана кардиологиялык жабдыктар менен толук жабдылган бир атайын «Тез жардам» автоунаасы, бир ИВЛ аппарат, 80 медициналык керебет, 200 төшөнчү, 7000 беткап жана 200 коргонуучу каражат тапшырылды.

Буга чейин шаардагы медициналык мекемелерге жеке ишкерлерден тартып эл аралык уюмдарга чейин жардам берген. (DU)

Пикирлерди көрүңүз (4)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG