Кыштуттун тургундары ички туризмди өнүктүрмөй болушту

Пандемияда түзүлгөн кырдаал айрымдарды жумушсуз калтырса, кээ бирөөлөрдү жаңыча изденип, жаңы идеяларды ишке ашырууга түрттү. Баткен районунун тоо арасындагы Кыштут айылынын тургундары элдин алыска эс алууга бара албай калган абалынан пайдаланып, ички туризмди жандандырууну колго алышты. Алар айылдагы кызыктуу уламышка бай кооз жаратылыш аймагына эс алуу жайларын куруп жатышат. Негизги киреше Орусиядагы мигранттардан келип турган бул айылда эми туризмден пайда табуу аракети башталды.