Линктер

ЧУКУЛ КАБАР!
30-ноябрь, 2020 дүйшөмбү, Бишкек убактысы 16:59

Евробиримдик Беларустагы президенттик шайлоонун жыйынтыгын тааныган жок


Евробиримдиктин лидерлеринин Беларус боюнча жыйыны онлайн өтүп жатат. 19-август, 2020-жыл.

Еврокеңештин президенти Шарль Мишелдин айтымында, 27 мамлекеттен турган биримдик Беларустагы соңку президенттик шайлоонун жыйынтыгын тааныбайт, добуш бурмалоого жана нааразылык акцияларын күч менен басууга тиешеси бар адамдарга санкция салынат.

«Евробиримдик жакын арада зомбулукка, куугунтукка жана добуш берүүнүн жыйынтыгын бурмалоого катышы бар бир топ адамдарга санкция салат», - деди Мишел 19-августта Евробиримдиктин лидерлеринин жыйынында.

9-августта өткөн президенттик шайлоодо Беларусту 1994-жылдан бери башкарып келаткан Александр Лукашенко добуштардын 80% алган. Бирок жарандык коом шайлоонун жыйынтыгы бурмаланган деп эсептейт.

Лукашенко Батыш мамлекеттердин лидерлерин өз өлкөлөрүндө болуп жаткан маселелерге көңүл бурууга үндөдү. Бул тууралуу ал Коопсуздук кеңешинин жыйынында айтканын «Белта» мамлекеттик агенттиги билдирди.

Лукашенконун кызматтан кетишин талап кылган толкундоолор Беларуста 11 күндөн бери уланууда.

Пикирлерди көрүңүз (6)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG