«Ыйман Нуру» саясий партиясы парламенттик шайлоодо ат салыша турган талапкерлердин тизмесин бекитти.
Бул тууралуу партиянын өкүлдөрү билдиришти. Алардан алынган маалыматка караганда, 20-августта өткөн жыйындагы чечимге ылайык, алдыңкы он орунда төмөнкү талапкерлер бар:
1. Чыңгыз Макешов;
2. Нуржигит Кадырбеков;
3. Аскарбек Күрүчбеков;
4. Динара Ашымова;
5. Бакыт Шайдуллаев;
6. Эржигит Пасанов;
7. Бакытбек Абдиев;
8. Мээрим Тойгоналиева;
9. Учкунбек Ташбаев;
10. Мамасадык Бакиров.
Борбордук шайлоо комиссиясынын (БШК) маалыматы боюнча, ушу тапта шайлоого катышуу үчүн тизме тапшырган партиялар 20дан ашты. Башында парламенттик шайлоого 44 партия катышарын билдирген.
Кыргызстанда парламенттик шайлоо 4-октябрда өтүшү керек. Партиялар 20-августтан кечиктирбей жыйын өткөрүп, талапкерлердин тизмесин жарыялоого тийиш болчу. 24-август кечке чейин талапкерлердин тизмеси БШКга тапшырылып, 4-сентябрда үгүт башталат. (NT)