Португалиянын Лиссабон шаарында 23-августта өткөн Чемпиондор лигасынын финалында Мүнхендин «Бавария» клубу Париждин ПСЖ командасын 1:0 эсебинде утту.
Беттештеги жалгыз голду Кингсли Коман киргизди. Голдун автору карьерасын ПСЖда баштаган.
"Бавария" ушуну менен алтынчы ирет Чемпиондор лигасында жеңишке жетти (1974, 1975, 1976, 2001, 2013, 2020).
Чемпиондор лигасы - Европа футбол биримдигинин ири клубдук турнири.