Линктер

ЧУКУЛ КАБАР!
21-Январь, 2021 бейшемби, Бишкек убактысы 20:16

Меркел Навальныйга кастык кылгандардын жоопкерчилигин кароого чакырды


Ангела Меркел.

Германиянын канцлери Ангела Меркел жана тышкы иштер министри Хайко Маас орус бийлигине кайрылып, оппозиционер Алексей Навальныйга зыян кылгандардын жоопкерчилигин кароого чакырышты.

Меркел менен Маастын кайрылуусу Навальный ууланганы тууралуу Берлиндеги «Шарите» ооруканасы маалымат тараткандан соң жарыяланды.

Немис дарыгерлеринин айтымында, Кремлди сындап келген Алексей Навальный «холинэстераза ингибиторлору» деп аталган активдүү заттардын тобуна ууланган болушу мүмкүн.

Клиниканын сайтындагы кабарда Навальныйдын абалы оор, бирок өмүрүнө коркунуч жок экенин жазылган.

44 жаштагы саясатчы 20-августта эртең менен Томск шаарынан Москвага учак менен баратып, эстен танып жыгылган. Учак Омск шаарына чукул конууга аргасыз болгон.

Ал учакка отурар алдында Богашево аэропортундагы кафеден чай ичкен.

Навальный Германияга 22-августта жеткирилген.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG