Линктер

ЧУКУЛ КАБАР!
26-Январь, 2021 шейшемби, Бишкек убактысы 14:19

COVID-19дан каза болгондорду эскерүү иш-чарасы өттү


Иллюстрациялык сүрөт.

29-августта COVID-19 дартынан жана пневмониядан каза болгондордун жаркын элесине арналган «Эскерүү шамы» акциясы болот. Коронавирус инфекциясынан каза болгондорду шам жагып, эскерүү демилгесин Бишкек мэриясы көтөргөн.

Демилгечилер кечки саат 21:30да электр жарыгын өчүрүп, терезени ачып, шам жагып, каза болгондорду эскерүүнү сунушташууда.

Былтыр декабрда Кытайдын Ухань калаасынан чыккан COVID-19 вирусу 2020-жылдын алгачкы айларынан тарта дүйнөнүн булуң-бурчуна тараган. Дүйнөлүк саламаттык сактоо уюмунун маалыматына караганда, 29-августка карата жалпы дүйнө жүзүндө 24,9 млн. адам коронавирус илдетине чалдыкты. 842 миңден ашуун адам оорудан улам жарык дүйнө менен кош айтышты. 17 миллиондон ашуун киши илдетти жеңип, сакайып чыкты.

Кыргызстанда бул илдет алгачкы жолу 18-мартта үч адамдан табылган. 29-августка карата коронавирус жана пневмониянын лабораториялык тастыкталган 125 жаңы учуру аныкталды. Жалпысынан пандемия башталгандан бери коронавирус илдетине чалдыккандардын саны өлкөдө 43 712 адамга жетти. 1058 адам оорудан көз жумду. Дээрлик 38 миң адам илдеттен сакайып чыкты.(ZKo)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG