Линктер

ЧУКУЛ КАБАР!
24-Январь, 2021 жекшемби, Бишкек убактысы 02:42

Жогорку Кеңештин эки депутаты мандатын тапшырды


Иллюстрациялык сүрөт.

Борбордук шайлоо комиссиясынын 29-августтагы чечими менен "Өнүгүү - Прогресс" партиясынын парламенттеги депутаты Абулкайр Узакбаевдин жана "Кыргызстан" партиясынын депутаты Кубанычбек Нурматовдун депутаттык ыйгарым укуктары мөөнөтүнөн мурда токтотулду.

"Өнүгүү - Прогресс" партиясынын депутаттык мандаты тизмедеги кийинки талапкер Уланбек Исмаиловго берилди. Ал эми "Кыргызстан" саясий партиясынын мандаты талапкер Улугбек Садиковго берилди. Жаңыдан катталган депутаттарга Жогорку Кеңештин депутатынын күбөлүгү жана төш белгилери тапшырылды.

28-августта Жогорку Кеңештеги «Өнүгүү-Прогресс» фракциясынын депутаты Жунус уулу Алтынбек жана «Кыргызстан» фракциясынын депутаты Данияр Төлөнов да мандатын тапшыруу боюнча Борбордук шайлоо комиссиясына кайрылышкан. Бул депутаттар 7-чакырылыштагы парламенттик шайлоого аттанышты.

Акыркы үч-төрт айда парламенттин он чакты депутаты кийинки чакырылышка ат салышуу үчүн мөөнөтүн аяктабай эле мандатын тапшырды. Жогорку Кеңештин VI чакырылышынын мөөнөтү дээрлик аяктап калганда парламенттеги орун алмашуу коомчулуктун сынына кабылып, депутаттык кызмат жана мандаттын мааниси боюнча маселе козголду.

Кыргызстандын мыйзамдары боюнча өлкөдө беш жыл сайын Жогорку Кеңештин депутаттары шайланат. Азыркы, VI чакырылыштагы парламент 2015-жылдын октябрында шайланган. 120 орунга алты партия өтүп, КСДП фракциясына 38 мандат, «Республика - Ата Журтка» 28, «Кыргызстанга» 18, «Өнүгүү-Прогресске» 13, «Бир Болго» 12 жана «Ата Мекенге» 11 орун тийген.(ZKo)

Пикирлерди көрүңүз (10)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG