Өзгөчө кырдаалдар министрлиги билдиргендей, сегиз кишинин өмүрү кыйылган жол кырсыгы 4-сентябрда эртең менен Жалал-Абад облусунун Тогуз-Торо районундагы Казарман айылынын Тагай аймагында болду.
09:00 чамасында «Ауди А6» үлгүсүндөгү автоунаа «ХОВО» оор жүк ташуучу машинеси менен кагылышкан. Кырсыктан каза болгондордун аты-жөнү такталып жатат. Алардын алтоо эркек, экөө аял.
Тогуз-Торо районунун куткаруучулары каза болгондордун сөөктөрүн машинеден чыгарып, милицияга өткөрүп беришкен.
