Линктер

ЧУКУЛ КАБАР!
3-декабрь, 2020 бейшемби, Бишкек убактысы 23:30

Быйыл чет жактын окуу жайларына квота аркылуу 165 кыргызстандык өттү


Иллюстрациялык сүрөт.

Быйыл 165 кыргызстандык Билим берүү жана илим министрлиги аркылуу чет мамлекеттердин жогорку окуу жайларына кабыл алынды. Бул тууралуу 15-сентябрда министр Каныбек Исаков мамлекет башчы Сооронбай Жээнбеков менен өткөн онлайн кеңешмеде айтты.

Президенттин басма сөз кызматы кабарлагандай, министр кабыл алуу экзамендери ачык-айкын өткөнүн, ата-энелерден нааразылык болбогонун белгиледи.

Анын айтымында, Венгриянын жогорку окуу жайларына 75, Беларустукуна 10, Казакстандыкына беш, Кытайдыкына 70 жана Латвияныкына беш кыргызстандык кабыл алынды.

Өкмөт аралык сүйлөшүүлөрдүн негизинде чет мамлекеттер студенттик квота берет. Бул ишти жүзөгө ашыруу милдети министрликке жүктөлгөн.

Жогорку Кеңеш депутаты Жанар Акаев 2017-жылы чет мамлекеттерде билим алыш үчүн Кыргызстанга берилген квоталар ачык бөлүнбөй, Венгрияда окууга аткаминерлердин балдары өтүп жатканын билдирип чыккан. Министрлик бул айтылгандарды четке каккан. Чуулуу окуядан кийин эки аткаминердин кызы Венгриядагы окуудан баш тарткан. (RK)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG