Линктер

ЧУКУЛ КАБАР!
18-сентябрь, 2020 жума, Бишкек убактысы 17:22

КУУ дипломдук иш жазуу токтогону тууралуу маалыматты четке какты


Иллюстрациялык сүрөт.

Кыргыз улуттук университети окуу жайында дипломдук иш жазуу тууралуу талап жоюлганы жөнүндөгү маалыматты четке какты. 16-сентябрда университеттин басма сөз кызматы мекеменин окуу бөлүмүнө таянып, андай болушу да мүмкүн эмес экенин «Азаттыкка» билдирди. Ал дипломдук иштерди онлайн жактоого комиссия катышканын белгиледи.

Социалдык түйүндөрдө «Твиттердин» колдонуучусу: «Биздин университетте быйыл дипломдук иш сөзсүз жазылышы керек деген талап жоюлду. Каалоочулар гана жазып, калгандары курстук ишин өткөрсө болот» деп жазганы азыр талкуу жаратып жатат.

Коронавирус эпидемиясына байланыштуу быйыл март айында Кыргызстанда бардык окуу жайлары убактылуу карантинге жабылган. 2019-2020-окуу жылы аралыктан жыйынтыкталды. Жаңы окуу жылы да онлайн сабактар менен башталды.

Кыргызстанда илимий иштердеги бирөөнүн эмгегин көчүрүп алуу фактыларын аныктоо боюнча «Анти-Плагиат» системасы ишке киргизилген. Бул ресурс Жогорку аттестациялык комиссиянын расмий сайтында жайгашкан. (RK)

Пикирлерди көрүңүз

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.

XS
SM
MD
LG