Линктер

ЧУКУЛ КАБАР!
27-ноябрь, 2020 жума, Бишкек убактысы 12:06

Алканова: «Кара-Сууда Зафар Айдаров сабалды» деген маалымат калп


Кара-Суу району.

«Мекеним Кыргызстан» саясий партиясынын талапкери Зафар Айдаров сабалганы тууралуу маалымат чындыкка жатпайт. Бул тууралуу «Азаттык» радиосуна партиянын өкүлү Элнура Алканова билдирди.

«Азыркы учурда Айдаров шайлоочулар менен Кара-Сууда жолугушууда жүрөт экен. Андай маалыматтар (сабалды деген) жалган. Таптакыр андай нерсе болгон жок», - деди Алканова.

Ош облустук ички иштер башкармалыгы да талапкердин сабалышы боюнча эч кандай кайрылуу түшпөгөнүн билдирди. 15-сентябрь күнү Кудрет Тайчабаров аттуу «Фейсбук» колдонуучу «Ошто Зафар 10 чакты баласы менен сабалды» деп жазган.

Зафар (Запар) Айдаров — «Мекеним Кыргызстан» партиясынан Жогорку Кеңешке аттанган. Тизмеде 129-орунда турат. Ал буга чейин бажы тармагында эмгектенип келген, Кара-Суунун акими Тилекбек Матраимовдун кудасы, бажынын мурдагы жетекчилеринин бири Райымбек Матраимовдун жакын адамы болуп саналат. Айдаров эрежесиз эр уруш чебери катары да белгилүү. (DU)

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG