Линктер

ЧУКУЛ КАБАР!
2-декабрь, 2020 шаршемби, Бишкек убактысы 18:13

Акылбек Жапаров: Кайра шайлоо өткөрүү зарыл


УКМК имаратынын алдындагы митингчилер. Улан Үсөйүн тарткан сүрөт.

Бишкектеги болуп жаткан окуялар тууралуу Жогорку Кеңештин VI чакырылышынын депутаты Акылбек Жапаров «Азаттыкка» пикирин билдирди.

Ал фракция лидери Алтынбек Сулайманов менен азыр эле сүйлөшкөнүн, 6-октябрда парламент кезексиз отурумга чогулуп, түзүлгөн кырдаалды талкуулоо маселеси каралып жатканын кабарлады.

«Биз мындай кырдаалды мурда да башыбыздан өткөргөнбүз. Азыр бийликтин вакууму болбош керек. Эгерде президент өлкөдөн кетип калбаса аны менен чогулуп, кайра шайлоону белгилөө зарыл. Кайра шайлоо мыйзам боюнча 45 күндүн ичинде болот. Өзүбүз күбө болгондой Борбордук шайлоо комиссиясы, өкмөт 4-октябрдагы парламенттик шайлоону өткөрө алган жок. Андыктан легитимдүү бийлик үчүн митингчилер макул болсо, шайлоо кайра жарыяланат. Тараптар кеңешип өкмөт менен президенттин ишин улантуу маселеси да каралат. Эгер президент өлкөдөн кетсе, анын ордуна Жогорку Кеңештин төрагасы милдетин аткарышы керек», - деди Жапаров.

5-октябрда парламенттик шайлоонун жыйынтыгына нааразы болгон партиялар баштаган тынчтык митинги массалык башаламандыкка айланып, 6-октябрда митингчилер парламент менен президент отурган имаратты, УКМКны басып алышты. Азыркы тапта Ала-Тоо аянтында оппозициячыл партиялардын митинги уланууда. (BCh)

Пикирлерди көрүңүз (4)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG