Линктер

ЧУКУЛ КАБАР!
27-ноябрь, 2020 жума, Бишкек убактысы 11:25

Достум: Тахир Юлдашевдин кызы террорчу топту башкарууда


Абдул Рашид Достум.

Ооганстандагы өзбек улутундагы маршал Абдул Рашид Достум «Өзбекстан ислам кыймылынын» мурдагы башчысы Тахир Юлдашевдин Мукаррамхан аттуу кызы Тоолуу Бадахшан аймагындагы террорчу топту жетектеп турганын айтты.

Достум бул тууралуу Шыбырган шаарындагы эл менен жолугушканда билдиргенин «Азаттыктын» ооган кызматы кабарлады.

Достум борбор азиялык жоочулар чөлкөмгө таасир этүү максатында Ооганстанга чогулуп калганын кошумчалаган. Ал террорчуларды коргогон «ээлери» бар экенин белгилеп, бирок алар ким экенин айткан жок.

Расмий Кабул Достумдун сөздөрүнө комментарий бере элек.

«Өзбекстан ислам кыймылы» көп мамлекеттерде, анын ичинде Кыргызстанда да террордук уюмдардын катарында. Аталган уюмдун мурдагы лидери Тахир Юлдашев 2009-жылдын 27-августунда Ооганстанда АКШнын дрон соккусунан көз жумганы айтылып келет.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG