Линктер

ЧУКУЛ КАБАР!
25-Сентябрь, 2021 ишемби, Бишкек убактысы 09:34

Бишкектин эки жеринде митинг өтүүдө


Ысык-Көл мейманканасынын алдына чогулгандар. Бишкек шаары. 14-октябрь, 2020-жыл.

Бишкектин эки жеринде ушу тапта премьер-министр Садыр Жапаровду колдоп, президент Сооронбай Жээнбековдун кызматтан кетишин талап кылган митинг өтүп жатат.

Өкмөт Үйүнүн алдындагы Эски аянтта жана «Ысык-Көл» мейманканасынын жанында өтүп жаткан акцияларда жүздөгөн адамдар чогулуп турат. Аларда президенттин кызматтан кетишинен тышкары парламенттин таркашын талап кылган жана 4-октябрдагы парламенттик шайлоодо утуп чыккан партияларга каршы ураандар да айтылууда.

4-октябрда Кыргызстанда кезектеги парламенттик шайлоо өтүп, анын жыйынтыгына нааразы болгон саясий күчтөр 5-октябрда митингге чыгышкан. Ошондон бери өлкөдө саясий кризис орноп турат. 6-октябрга караган түнү тарапташтары түрмөдөн чыгарып алган мурдагы депутат Садыр Жапаровду Жогорку Кеңеш 14-октябрда өкмөт башчы кылып шайлады. Парламенттин бул токтомун президент Сооронбай Жээнбеков бекитип берди.

14-октябрда Жапаров тарапкерлери менен жолугушууда Жээнбековдун отставкасы боюнча маселе 15-октябрда чечилерине убада берген.

Бүгүн 15-октябрда президент менен премьердин жолугушуусу Жапаровдун ден соолугуна байланыштуу өтпөй жатканы белгилүү болду. (RK)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG