Линктер

ЧУКУЛ КАБАР!
3-декабрь, 2020 бейшемби, Бишкек убактысы 10:16

Кыргыз-орус өнүктүрүү фондуна Нурлан Мамытов төрага болду


Кыргызстан менен Орусиянын желектери.

Кыргыз-орус өнүктүрүү фондунун башкармалыгынын төрагасы болуп Нурлан Мамытов дайындалды.

Тиешелүү буйрукка президенттин милдетин аткарып жаткан премьер-министр Садыр Жапаров кол койгондугу тууралуу 19-октябрда кабарланды.

Ачык маалыматтарга караганда Нурлан Мамытов 2013-2017-жылдары "Айыл Банк" ачык акционердик коомунун директору болуп иштеген. Аны биринчи вице-премьер-министр Артем Новиков фонддун жамаатына иш билги адис катары тааныштырды.

Кыргыз-орус өнүктүрүү фонду Кыргызстандын экономикасын колдоо максатында 2014-жылы түзүлгөн. Аны түптөөгө Орусия бир миллиард долларлык капитал бөлгөн. Акыркы маалыматтарга караганда бул аралыкта фонддун эсебинен 700дөн ашык долбоор каржыланган.

Кыргыз-орус өнүктүрүү фондунун жобосуна ылайык анын башкармалыгынын төрагасы үч жылда бир алмашып турат. Төраганы кыргыз өкмөтү дайындайт.

2014-2016-жылдары фондду Нурсулуу Ахмедова, андан кийин бир жыл Кубанычбек Кулматов, 2020-жылдын февралына чейин Эркин Асрандиев жетектеген. Андан бери Азиз Аалиев жетектеп келаткан.(NT)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG