Айыл чарба, тамак-аш өнөр жайы жана мелиорация министринин кызматына жаш ишкер Тилек Токтогазиевдин талапкерлиги көрсөтүлдү. Бул маселе ушу тапта Жогорку Кеңештин комитетинде каралганы жатат. Жыйынга Токтогазиев өзү да чакырылган.
Буга чейин министр Эркинбек Чодуев өз арызынын негизинде кызматтан кеткени кабарланган.
Токтогазиевдин талапкерлигин бул кызматка 2019-жылдын май айында да Жогорку Кеңештеги «Бир Бол» фракциясы көрсөткөн болчу. 29 жаштагы фермер Тилек Токтогазиев «Жашыл чарба» аттуу агрохолдингдин негиздөөчүсү катары белгилүү.
4-октябрдагы кезектеги парламенттик шайлоого ал «Ата Мекен» партиясынын катарында талапкер катары катышкан. Шайлоо ыплас өткөнүнө каршы акцияларга катышып, 9-октябрдагы митингде башынан жараат алган. (RK)
